monumenta.ch > Plinius > sectio 191

Word Selection for Searching

Report an Error in this Sectio
Plinius, Naturalis Historia, 11, 191
{LXXIV} In eodem est fel, non omnibus datum animalibus. in Euboaea Chalcide nullum pecori, in Naxo praegrande geminumque, ut sit prodigi loco utrumque advenae. equi, muli, asini, cervi, capreaea, apri, cameli, delphini non habent. murium aliqui habent. hominum paucis non est, quorum valitudo firma et vita longior.